غارت الشمس منها وسلمت في خجول
الجمال احتواها بين شوق وحنين
درةٍ من شبهها ف المخايل تجول
القمر قال حدي ما لها من قرين
بعيونه لحظني في عيونه جفول
يالمها من شراتك جوهرة عاشقين
انعس الرمش ساجد خاضعلك ذلول
عود منها تثنى فتنة المبدعين
صب عطر المدايح فالجبل والسهول
والنظر خان فكري بين يسرى ويمين
يا نسيم المشاعر حرف شعري عجول
حرف شعري تمنا معليات الجبين
بين قربك وقربي كل شيءٍ يحول
قلت أنادي خيالك عل طيفك يعين
قلت أصارح عيونك وثر عينك تقول
يا مسافر رحلنا من زمن راحلين
قلت عيني تمنت كل شيءٍ تقول
المحبة مشاعر لو يجف المعين
دام قلبك لغيري أعذريني بتول
وعذري ه البلابل والشقى والسنين
لو كتبا القصايد ما نزيد الفحول
وش تفيد القصايد يوم غاب الحنين