يا عقاب رد الصيد ودراه يا عقاب
عن لا تقول الناس ضيق ثراها
وتقول حرٍ فارق الصيد مرتاب
ويطيح صقري في فدافد عراها
ويطير ريشه تابعٍ كل مسراب
دونك سواري اللي منك شراها
يا عقاب خله علها راس مرقاب
في مدهمات الليل عدى حراها
ما تنفع الشيمات يا عقاب وعتاب
خلاص راح الصيد عدا براها
طارت سروب الطير من يد نشاب
ويزا النشب في يد عسرٍ زراها
وتبدل الشاهين بالبوم وغراب
ومات الشعر في ليلة ما سراها
الله يرحم شاعرٍ مات في غاب
وتناهشت لحمة كلاب وجراها
تهون عضت كلب ولا لدلغة الداب
لو كان داب الشعر أرضه ضراها
هذي سواري الليل يا عز لصحاب
رجواي يفهم لغزها من قراها
مما بداى نفسي أنا قلت يا عقاب
سجلّتْ تاريخٍ يعطر ثراها