دوك الحقيقه وأفهميني فارقيّ يا آدميّه
خلّي أبوجهك ؟ حيا وأرجوك حلّي عن سمايا
أنتهى عصر الغرام بقيس وليلى العامريّه
وأبتدى وقت الخيانه وأنتي وأمثالك ضحايا
الليالي علمتني والسلوم الحنبليّه
مثلك أضعيفة عقل وعقل مثلي به مزايا
ناقصة دين وفهامه ميّته والناس حيّه
ضايعه بأول حياتك وانتهيتي بالبدايا
التكبر من صفاتك والطباع النرجسّيه
والسذاجه والغرور وهمك الأكبر مرايا
تعشقين اللي يهينك أو يوريك الأذيّه
ومن وفالك تكرهينه باغضه صدق النوايا
ماتعرفين المحبه خاينه منتي وفيّه
وأن وفيتي كاذبه وربي أعلم بالخفايا
أعترفلك من عرفتك ماعشقتك ياغبيّه
كيف أحبك وأعشقك وأنتي كذا ؟ كلك خطايا
أعرفيني قبل أعرفك شايف هالاشكال ميّه
لكن أني ماتأثر في حسن بعض الصبايا
أعذريني عن غرامك وأتركيني يابنّيه
وأسمحيلي ماتشرف أنك تكوني هوايا
ما أخون أن كان خنتي شامخ ونفسي زهيّه
أستري نفسك وروحي وأكتفي هذا كفايا
أذبحيني وأحرقي قلب ٍ رفض طعنة خويّه
وأدفنيني بالحيا أرحم ولايظهر ردايا
شاعر ٍ وأجهل مصيري وأعرف الدنيا ردّيه
دوك نصفي دوك كلي لمّي آهاتي معايا
وش تبين ؟؟ أخذي وردي باقي أجروحي عليّه
وأتركيني للرحيل أجمع شتاتي مع عنايا
دوك جرحي دوك حزني دوك همّي والخطيّه
دوك جابر والذنوب ودوك أبطال الروايا
دوك دمي والطعون ودوك كبّدي في يديّه
دوك موتي والحياة اللي تفنن في بكايا
دوك دربي من سريته والليالي سرمّديه
دوك نار ٍ تشتعل في وسط جوفي بالحنايا
دوك شعري يعترفلك بالحروف الأبجدّيه
من مشيت العمر أدري من نهايا في نهايا
حاتميّه هالليالي في عذابي حاتميّه
ألف خنجر وسط صدري وألف رمح ٍ في قفايا
لاتغرّك ضحكتي في ذمتي هم وأسّيه
أضحك أقبال البشر والنار تآكل في حشايا
سوّد الله وجه حظي بالشقا مافيه زيّه
وسوّد الله وجهك أنتي يوم زدتي في شقايا