فيك اجتمع كل الاماني والأحلام
والتمّ فيني من غرامك شتاتي
حالي بخير وفي هنا يا الغلا دام
عيني تشوفك يامناي وغناتي
تدرين وش هي اجمل واعذب ايام
عرفتها ‘ منذ ‘ بداية حياتي؟!
هذا الشعور اللي تكوّن من اعوام
من قبل اعرفك لين لحظة وفاتي
حبّك تمكن من عروقي باحكام
أضيع والقى في عيونك نجاتي
يمكن احبّك في عدد كل الارقام
يا انهار شعري ياعذوبة فراتي
اجيك واقع واقتبس منّك الهام
اعزف غرامك بالصبا وال بياتي
واعود ابدّل في مقاماتك انغام
يطرب لها العشّاق من نسج ذاتي
حبّك غدى لي بصمة عيون وابهام
وصرتي علامه فارقه في صفاتي
فيك اجتمع كل الاماني ولاحلام
والتمّ فيني من غرامك شتاتي