يا حروف القصايد حرفنا وش يكون
لو بيرجع حنيني وين باقي السنين
بعض منّي قصأيد بعض منّي دخون
بعض منّي رسالة بعض منّي حنين
يا حروف القصايد ساهرات العيون
ساجنات المشاعر مطْلقات السجين
يا حروف القصايد واصفات الفتون
شاب حرفي فإيدي يْسارها واليمين
يا حروف القصايد كل حبي شجون
شاقني منك معنى في عيوني ثمين
لجل عينك حياتي كل شيءٍ يهون
طوّع البحر لجلك والقوافي تلين
جيت نجمٍ يسافر بين رمش وجفون
برق يلظي شعاعه بين خد وجبين
يا عيون أسهرتني مثل عيني حنون
سافري في دموعي واكتبيني ضنين
يا حروف القصايد ما بعثت الجنون
غير ود وسهرني وشفت حرفي معين
وشفت شاعر تشقّى أو حبيبه يخون
وشفت شاعر يوادع أو يذيع الكنين
قلتَ أعزْم القصايد بيت شِعْري دخون
أنسج الفرْح فيها بين عشق وأنين
يا حروف القصايد كل ما جبت لون
فاح عطر القصايد يمّم المبدعين