اعشق وحب واسهر
وانسى تعبك وفكر
تضحك الدنيا تضحك
وتعيش أحلى الأماني
إنسى امبارح وخللي
بكره أحسن تمللي
خللي يومك يعدي
مليان لحن وأغاني
إنسى كل اللي كانوا
أسباب حزنك وخانوا
دور ع اللي يحبك
ومايحبش حد تاني
إرمي حملك ح تلقى
حبك هوه اللي ابقى
وتلاقي الحزن ولَّى
وعدى ومر ف ثواني
واروي حبك تلاقي
خضره أرض الشراقي
وحاتجني زرع أرضك
سعد وفرح وتهاني
واكتب بحروف مفيدة
قصة حب وجديدة
وتكون انت بطلها
واملاها حب وأغاني