من تغيظني وتنشد على الحال
جروحي تعاتبك وبسكتتي الرد
انا بگلبي من اسولف بيك مرات
احس ضلوعي كلهه اعليه تنشد
سمة عيني بوسعهه وما حوت ناس
لأن علو السمة ما يوصلة احد
ولأنك گمر اصلاً بيهه موجود
وحگك غيرك الدلال ما ود
وحگ كل نجمة طاحت من العيون
وحگ شيبي البراسي اللابس اسود
خريف الروح يخضر من الاگيك
واحس غصن الامال الامال المات ورد
وتظن گلبي برد من نار الغياب
شلون تخيلتهه الشمس تبرد
وانا مأمن چذب من گتلي انساك
وما اصدگ مزاحك ينگلب جد
وكتل كل كرياتب الحلوة وياك
جيش موادعك عل بال من هد