سقاك الوجد من كاس التمنّي والظلام طال
وأنا المغزول من خيط السهر والليل غازي له
جدايل ليلك المرخي على جفن الهوى ميال
تطيح الشمس في صدره وتشرق به قناديله
سكبتك في عروق القلب شعرٍ يستفزّ البال
تذوب ب نغمة شفاهي تباريكه وترتيله
أحبك والمدى لو ضاق ما شال الغرام وشال
شعورٍ يعجز المُبحر ب مجدافه يحالي له
رسمتك في ربا روحي غمامٍ يمطر الآمال
ربيعٍ كل ما مرّ ب حشايا فاح ب إكليله
ولكنّ العتب غيمة تصبّ من الملام زلال
تلوم اللي شرب صدّك ولا ملّت فناجيله
تغيب وْتترك ل قلبي تفاصيل الجفا أغلال
وأنا اللي فرشت ضلوعي على دربك مداهيله
أنا وشلون أضمّ النور والظلمة عليك ظلال؟
وأطارد في سرابك حلم تاهت بي محاصيله
حبيبي والرمش سيفٍ يجندل خافقٍ ما زال
يموت ب سكرة عيونك ويحيى في تعاليله
تعال وْرجّع ل قلب المودّع رشفة الفنجال
ترى طول الجفا مرٍّ... عجزت بالصبر أشيله