يا واقعي مليت أرقّعك ترّقيع
وألفّق إلك أعذار ما تنّتلفّق
ضايع .. وأقول آخاف لا بكره آضيع
وأنا على طعم الحياه آتشفّق
أحيان أحسّ العقل مثل الينابيع
منه إرتويت وفي عروقي تدفّق
وأحيان أحسّ إن الجهل داخلي ريع
ولا جمّع الحظ الردي غير .. وفّق
يا كثر ما أبني ف الخيال المشاريع
وأشذّ ب أفكاري سواة المطفّق
ويا كثر مافي خاطري من مواضيع
والعمر يمضي والأماني تصفّق
يا واقعي ماني بعايشك تطبيع
أرعى بك أوهامي .. والأحلام نفّق
ولاني مكرِّم من مرار القراطيع
ولاني بقايل ل المواجع ترفّق
أبجتهد ما عشت ل الفكر تشريع
وإن متّ .. مات المجتهد ما توفّق