نعم خنتك حبيبي وأنت ما تدري
ولو خنتك بكيفي لا هو أبكيفك
على كفه تدحرج حظي العذري
شتى وقته سرقني من دفا صيفك
وكل ماجا بيرحل قلت له بدري
عسا أنساك ونسى بالوفى زيفك
وذا عذرك نعم يا فلان ذا عذري
تعب جرحي ولا يحرم ابد سيفك
نطرتك لين مل الشوق من صبري
وقلت أخون كان الغدر بيخيفك
تبي بعدي لجل ينقص غلا قدري
أذا بتعافني أقدر.. أنا أعيفك
وذا خنتك حبيبي وأنت ما تدري
ترى ما خانك الا يا الغلا طيفك