علامه قلبي لاشافه يجيب العيد
يدق الطار في صدري إلين اقتال
واحس انّ البشر صارت بزي اجديد
وكل الدنيا تضحك لي وانا أختال
واشِق البسمَهْ وانسى من دموع الغيد
ولكن اسمي يا عالم يجي في الحال
ويلعب بي.. وترمز صرقعات الإيد
جنون الحب لا بانت مع الأفعال
تعض العين بي رمشي مع تأكيد
خجولة وكحلها بين الخناجر مال
ودمّي يشتعل ولو كنت في مدريد
وانفاسي عجوله والثواني طوال
ويناديني واقول ابغنج لا ماريد
ويلعب بي بعينه والعذاب اشكال
وكل ما يقترب مني أروح ابعيد
كأني طفله وتعبث معه بخبال
علامي كل ما شفته أجيب العيد
علامه كل ماقرب يزيد اهبال