كل الشهور أبريل
نملاها ميت كدبة
ونغني عيني يا ليل
ملعونة دي لعبة
الكدب بقى ألوان
أبيض وزي الفل
واسود ولا القطران
واصفر وكله غل
الكدب هو الكدب
معكوسه هو الحق
وملايكة أهي بتكتب
برطع بقى وانطق
اوعى الشيطان يغويك
ياخدك لدوامة
يضحك ويلعب بيك
في الكدب يا ندامة
أبريل ماهوش كداب
ليه خليناه مُسخة
لو ضحكو لك أصحاب
هيقولو لك بايخة
دمك خفيف وظريف
يا دمك البارد
بطل بقى تخريف
جواك شيطان مارد