كل ماناديت باسمك من بعيد
اعشق اسمك يوم يرجع لي صداه
واقعد اكرر وانادي ثم اعيد
لين صوتي صار مايوصل مداه
في غيابك ويش ابلقى واستفيد
غير دمعة شوق والليل وعناه
لا تحسب انك مع قلبٍ بليد
مايحس بجرح خله لا حداه
ولا تحسب ان قلب ماجد من حديد
مايضره يوم تطعن في حشاه
تذرف دموعي ويكتبها القصيد
ثم يبيح الي دها قلبي وجاه
في الدفاتر كل ماهو لي جديد
من صدوف الوقت والا من غثاه
حضره ياعقل وارسل ي بريد
عله يلامس شعور الي قراه
ويمكن يشوفه مطرف من بعيد
ثم يقول الله يحقق له مناه
ي مهاجر عن عيوني وش تريد؟
غير قلبٍ ماعشق غيرك فتاه
كل يوم وعشقه لنبضك يزيد
ليت صرت اغلا مكاسيب الحياه