يالزمان الشين يالحظ العوج
السيوفكثار،والطيحه قويه
ليتني من عقبها صرت اعرج
اخير من مرقادي بوسط الحويه
وليتني ماطحت من راس الدرج
يشمت العذال ي وقتي علييه
ضيقةٍ فالصدر مامنها خرج
ليتهها تنزاح عن صدري شويه
كلما جتني،،،وعزمت اهرج
القلم فالجيب والدفتر هنيه
ودمعي الي فوق ذا الجفن اندرج
ماذرفتهه شوق لعيون البنيه
خاشعٍ لك يالعظيم الي عرج
بالنبي المصطفى خير البريه
ويالله اني راجي منك الفرج
واللهه اني صابر،ونفسي ابيه
ليتني من عقب ماطحت اعرج
اخير من مرقادي بوسط الحويه