بَضْحَكْ عَلَى نَفْسِي
وأبِكي عَلَى حَالِي
بَضْحَكْ وأَنَا بَبْكِي
وأصْرُخْ بِصُوتْ عَالِي
يَا ذُنُوبِي فَارْقِينِي
دِلْوَقتْ مشْ بُكْرَه
فَارْقِينِي وسِيبِيلِي
حَبّةْ أَمَلْ ذِكْرَى
ضَاعِتْ سِنينْ مِنْ عُمْرِي
بَعِيدْ عَنّكْ يَا ربّي
نَادِمْ حَزِينْ وأنَا عُمْرِي
مَا كَانْ غِيرَكْ فِ قَلْبِي
يَا رَبّ فِينْ مَا بَكُونْ
بَدْعِيكْ يَا رَبّ الْكُونْ
إنّكْ تحَرّرْنِي
عَلَى نَفْسِي تنْصُرْنِي
وتقُولّي كُنْ فَأكُونْ
فَأكُونْ كَمَا كَانِتْ
أحْلَامِي مَرْسُومَه
ولَوْ فِ يُومْ ضَاعِتْ
فَدِي قِسْمَةْ مَقْسُومَه
وقَضِيّةْ مَحْسُومَه
لَكِنْ أَنَا بَدْعِي
يَا رَبّ حَرّرْنِي
حَقّقْ لِي أحْلَامِي
قَوّيِنِي قَدّرْنِي