ياللا يا مصر هِمِّى همى
ياللى قُمْتى قومه قويه
كل ولادك احمى وضمى
علشان ننعم بالحريه
دفعنا كتير من أرواحنا
لجل علمنا يفضل عالى
لا تشمتى فينا اللى دبحنا
أرجوكى كفايه اللى جرالى
سيبك م اللى بيعمل فتنه
هو الخسران هو وناسه
ما هيقدر يوم يخرب بيتنا
راح نقطع وسواس خناسه
يا بلادى أمرك حيرنى
اوعى تعودى للطغيان
من نصرك قادر ينصرنى
ويقيم شرعه ويعلى أدان
بلادنا حلوه بجد جميله
أم الدنيا للانسان
واللى هيزرع فيها فسيله
هو ده بس الكسبان
ياللى مصمم تعمل أزمه
فيها يضيع لنا كام مليون
وجودك بينا من غير لازمه
اخنس وابعد يالملعون
محمد ابو يوسف