دامك نَويت البُعد جرحي يزيدي
وبعض الجروح طِبّها من فتحها
جرحي يريدك لوّ مالك تريدي
ذولا جروحي طبَّها من جرحها
وارفق على جْروحٍ تحبّك سعيدي
لو كان حزنك هو كِسحها ولفحها
وما تِحسب أنّي صامدٍ كالحديدي
شوفَ الضَّلوعَ الَّي برودك نِطحها
هَشَّم خَفوقي كنّه طيح الجليدي
وارض الوداعي ليت حبّي فلحها
وإذا لقيتِ مْنَ الرّفاقة جديدي
القصّة قلبي قالهَا وْله شَرحها
وما هو على قلبي وغيرك يصيدي
صنّارتي قلبك أخذها وربحها
وكَنّك على شكلك شديد وعنيدي
فاعرف أنا يلّي جروحك فضحها
وما عاد لي في شطّ يافا رصيدي
دام إن شعورك للمشاعر ذبحها
جرحي يريدك لوّ مالك تريدي
ذولا جروحي طبّها من جرحها