إجازة عام طويل وحزين
مروا كأنه غمضة عين
لا ملينا من شوفتك
ولا بردت مشاعرى يمين
كأنك جنبى وإنت بعيد
تزيد أعماقى شوق وحنين
أريت الدنيا تجمعنا
وما تفرقنا يا حلوين
ليه الغربة تاخدنا
ونخسر فى البعاد غاليين
أصلو العمر كم مرة
هو واحد ولا هو اتنين
أفكر كل يوم أرجع
عشان شوفتك عشان طيبين
ألاقى الغربة سارقانا
تمر ليلات بشوقنا سنين
قدر مكتوب ومين يقدر
يغير من مصاير مين؟
قدر مكتوب ولابد
نعيشه شمال نعيشه يمين
وإن طالت ليالينا
برضو عشمنا باقى متين
منو بيعرف قدر بكرة
عساها الدنيا تانى تلين