شوقى لى محمد ظاهر
من الشعر السودانى الشعبى
قادر ربى نعم القادر
يجبر خاطرى بعد مخاطر
يجعل قلبى نعم الصابر
بعد الحزن تانى أسامر
قادر ربى وحده الغافر
باعث الروح نهار الحاشر
بعد الموت نقوم لمصاير
ساعة الحر وضيق ومراير
أملى فى ربى هو الآمر
يغفر لي دموعى مجامرشوقى لى محمد ظاهر
جيتك يا محمد خايف
ألوذ بى ظلك إنت الوارف
سيدى وسيد قليبى الراجف
خايف الموت وريقى الناشف
هايب من قبور وصحايف
راجيك أنا يا محمد واقف
تشفع لي تزيل لمخاوف
إنت شفيعنا نعم العاطف
رحيم ورؤوف ولينا تلاطف
نكون جنبك جميعنا نجاورشوقى لى محمد ظاهر
يوم الحر نهار الحاشر
أشوف أمى وأبوي فى بشاير
وأشوف لاولادى قصرا عامر
وأشوف أم العيال بتفاخر
وأشوف لهداي وأهلى عشاير
قصور وظلال وعيشا فاخر
نلاقى نعيم يدوم للآخر
ويخدموا فينا حور وحراير
نشكر لى إلهنا الغافر
وهتبنا الخير وحسن مصايرشوقى لى محمد ظاهر
نصلى عليك صلاة تامه
وتسعد بيك نفس لوامه
ما غطت سمانا غمامه
وما غنت بدوحنا حمامه
وما ذكرت نفس آثاما
وما خافت حساب وقيامه
وبى عدد النهار وظلاما
وبى عدد الخلايق عامه
تشفع لينا إنت إماما
وجيتك بى ذنوبى كبايرشوقى لى محمد ظاهر
جيتك فى رحابك نازل
تجرى دموعى حسره هواطل
محال بترد فى ساحك سايل
حاشاك خلقك عظيما كامل
فى القرآن نشوف لفضايل
وما بتكون لضيفك خاذل
واقع لى حجاك أسايل
يوم الخوف ونار وهوايل
يوم الحر حساب ومسايل
ألاقى حذيفه رابح نايرشوقى لى محمد ظاهر
نعيش فى الدنيا عيشه هنيه
بذكر الله تطيب النيه
بعد الموت قصورنا عليه
فى الجنات حياتنا عليه
بنات الحور تسامر في
تقولى رسولنا راضى علي
تكون أمى وأبوي حولي
وحذيفه وابراهيم وثريا
وأشوف أهلى الكرام وذوي
وأشوف الخير عليهم ظاهرشوقى لى محمد ظاهر
ربى كريم يجود بسداد
بعد الخيبه تم لمرادى
أعيش بالذكر وحده أنادى
وامدح لى نبينا الهادى
أكون زاهد من العباد
أبيع الدنيا أربح زادى
تبدل خوفى أمنا بادى
اطمئنان دخل فى فؤادى
أقوم الحج ينادى منادى
مرحب بيك حسن يا شاعرشوقى لى محمد ظاهر
جيت أتمنى أصبح ناسك
أزور للحج أقضى مناسك
أطوف بالبيت بكسوته ماسك
سائل الله الكريم المالك
قبل الموت وقبل مهالك
يسهل لي طريقا سالك
لا عقبات ولا شي شايك
أوصل طيبه سيدى هنالك
أذرف دمعى أمحو حوالك
نفسى تطيب تبوسلو منابرشوقى لى محمد ظاهر
جيتك يا محمد واقع
وجيتك يا محمد سارع
بدورك تبقى حرزى الشافع
تنوب عنى وتقيف وتدافع
يوم الحر نهار الفاقع
تبرى جروح وتشفى مواجع
تقول قلبى النضيف الناصع
تقول خلوه مافيش مانع
يدخل جنه يلقى مراتع
يلقى نعيم ويلقى جواهرشوقى لى محمد ظاهر
محمد سيدى أول وآخر
وشاعرك باكى مكسور خاطر
قليبو جريح رويحتو تهاجر
دموعو تفيض بحورا زواخر
أدركو يا محمد بادر
وقلى الوالدين يا شاعر
حواك فى الجنه لبسوا حراير
لاقوا ورود ولاقوا سراير
لاقوا عنب وخوخ وفطاير
وأملو كبير فى ربو الساترشوقى لى محمد ظاهر
محمد سيدى سيد الساده
طفطف نارى أنا الوقاده
نفيستى اتمزقت ببعادا
إليك يا رب إنت معادا
عوض عمرى فقد سعاده
واصرف عنى دمع وساده
ثبت قلبى زيدنى إراده
وجود بالصبر يبقى زياده
بحق رسولنا زيل لفسادا
نفيستى الخاسره ترضى تسامرشوقى لى محمد ظاهر
تعظم أجرى بعد الوالده
تلقى سرور وتلقى الفايده
نارى فى صدرى شابا وواقده
وروحى اتقلقلت ما راقده
دموعى بتجرى روحى الفاقده
قليبى جروحو نار متزايده
وحكمة ربى هي السايده
خلق للروح عرف للعايده
يوم حر السموم الزايده
يحمى الوالدين ويناصرشوقى لى محمد ظاهر
محمد سيد قريش وربيعه
وجاتك أمى عابده مطيعه
أبقى جوارا وأبقى شفيعا
تكون مع أبوى لديك وديعه
يدخلوا جنه عاليه رفيعه
فى ترحاب وحفله بديعه
وكل ما يطلبوه سريعا
تجيبوا أملاك تقيف سميعه
مافى نزاع وما فى خديعه
يلقوا الحور وحلو مناظرشوقى لى محمد ظاهر
الصلوات كتيره كتيره
تنجى الخوه تنجى عشيره
ريّح قلبى من نار حيره
وقلى الوالدين بالجيرة
يلقوا جنه يلقوا سرورا
ويلقوا الخضره زاهيه نضيره
ويلقوا فرش بحشوه وثيره
ويلقوا غرف جميله اثيره
أبوي أمير وأمى أميره
ويلقوا الخير مكمل وافرشوقى لى محمد ظاهر
الصلوات ولا معدوده
والصلوات ولا محدوده
عد الروح وعد شرودا
عد الطير وصقر ودوده
وعد غزال وعد أسودا
وعد أفيال وحوت مصيوده
وعد ما سألت نفس معبودا
وعد أنفاس شهيق وردودا
وعد الريح سحاب ورعودا
وعد الليل نهار وبواكرشوقى لى محمد ظاهر