الدنيا نوتة والنفوس مقامات
نهوند.. سيكا وحجاز والرست م الضرورات
نغمة وقرارها وجع
وجوابها بالآهات
سألوا: مقامك إيه؟
أنا قلت ع الصبا بات
هتربي ولدك صح
من قبل ما تخلّفه
لما لأمه بالتُقى تختار
وتعيشي عيشة هنية
هنومة متهنية
لما تنقّي على سُنة المختار
سألوا الحكيم: زهرتك
مين راح لها تختار؟
رد ببساطة وقال:
للي يخاف ربه
إن حبها أكرم
وإن يوم كره ما أهان
والله ما بنتعلم من حكمة الأزمان..
الحكمة فيها كتيير
بس اللي يتعلّم
والحزن مش بيدوم
لكن بنتألم
ارميها على ربك
واخرجها من قلبك
لجل القلوب.. تفهم