ودي بك وأبيك وأباك وأبغاك
جمّعتها لرضاك واختار فيها
شف ويش منها يتبع احكاك ورضاك
واللي لك اسقي مسمعك لا ضميها
غديت افراحك اي واساير احكاك
وأنا تشّرف لكنتي واهتويها
مضمونها ودي بشوفتك واهواك
ياللي دروب أهل الردى ما تجيها
صانك ولي أمرك وحبك وداراك
ولا قدر ردع الحظوظ ومجيها
نفسك مهذبها وعز الله ربّاك
ما يدري أن جيش الهيام يغزيها
الله قسم يبلاك بي وانت يبلاك
باللي سواتي في العرب يرتجيها
محبة ن ذربه من القلب تكساك
محبة ن صدق الهوى يكتسيها
يأمرك قلبك بالوفا لي وتنهاك
ناس ن على لاماك تفرك يديها
رزين عقل ومن مزايا مزاياك
نفسك تحب وعفتك تمتطيها
تطيع عقل ن ما بعد زل واغواك
مشاعرك تعصاه..وانت تعصيها
ما شفت منك إلا عيونك ويمناك
محبة ن راع الردى ما يبيها
يقبض فوادي لا تخيلت فرقاك
شف عين ن ما سواك يعنيها
ويا عزوة أخوانك ومطلب هذولاك
ناس ن محبة والدك تدعيها
ناس ن تخدم أبيك كله لعيناك
هو يحسب أن الله عليه يهديها
ياجعلها تفدى على الأرض ماطاك
الله بمن هو مثلها يبتليها
لكن لعب في يا وليفي تغّلاك
نفسي غلاك من الصدود يحديها
تبطي علي وأنا هنا واتحراك
كبدي لواهيب الصبر تشتويها
اجمّع علومك امن هناك وهناك
الله لو إنها تنشرى لا اشتريها
وعذرك أنا لاهي يا ويش اللي الهاك
لاهي ومرنمنت لاهي تليها
كانك مشكك في الوفا والغلا هااك
جوالي اقر القائمة كل أبيها
رقمك مع الصادر ولا وارد سواك
والناس في اللي لم يرد عليها
وإياك وإياني...وإياني إياك
من غيبة ن من دون عذر يحميها