باستنظرك
باستنظرك
رغم القساوة فى منظرك
لحظة هروبك يا رباب
م الحب لما استنصرك
باستنظرك
باستنظرك
باستنظرك
رغم الشتا والبرد والرعد المخيف
باستنظرك
فى الشارع المشغول بأوحال الرصيف
أنا أصلى حاسب موعدك
وعارف اللى بيبعدك
وأنا اللى خابر تبقى مين
وأنا اللى صابر من سنين
وباعد لك
بالثانية عمري
واعد لك مطرح ف بستان الأمل
وبأمد لك
وف كل خطوه أمد لك
إيدى اللى شققها العمل
مدى الخطاوى يا حبيبتى وقدمي
وان كنتى خايفة م الطريق اتبسمي
يا شمس ياللى ضحتك
قمر ينور سكتك
أنا اللى عشقك يستتك
باستنظرك
باستنظرك
يا جرحى يا حلمى العنيد
باستنظرك
باستنظرك
يا مصر يا حبى الوحيد
وحتيجى يوم وتصدقي
عشقى الأصيل وتحققي
حلمى الجميل وتزوقي
عمرى اللى ضاع مستنظرك
باستنظرك
باستنظرك
باستنظرك