ايلاف قطعة من القمر باقة ورورد
جمالها ممدوح سامي وشفاف
طفلة على حسن الطفوله بها زود
فتنة براءة طاغية حد الاسراف
هذا سواد الليل بعيونها السود
وهذا ضياها من ورى الليل ينشاف
ماكنها الا جمعة الماس منضود
لاشلتها ومرجحتها بين الاكتاف
لها اوصاف ٍ بالحلا مالها حدود
ولها حدودٍ بالحلا مالها اوصاف
واصبح بعضها من بعضها لها شهود
عطر الندى من بعدها الورد ينعاف
مرات احس اني مع الناس مفقود
واحس مالي بالشعر صوله وقاف
ومعها احس اني انا تو مولود
ولا احسب حساب وقتي ولا اخاف
كل الطرق قلبي لها شبه مسدود
الا الطريق اللي يودي لايلاف