هذي كلمه بحكيها
أرضكْ..عرضكْ
جوّى عيونك خبّيها
ترابكْ يا ما خبّى كنوزْ
في المواسم يعطيها
إسمع شو بحكي الزيتون
والمشمش ثمْ الليمونْ
من دمعاتك ارويها
والنرجسْ غازَلْ دحنونْ
والروابي تحلّيها
والسنابلْ فرحة صيفْ
عَ البيادِرْ خلّيها
هذي أرضكْ بيتْ كبير
بالمحبه تبنيها
يا لله نتعب ايد بإيد
ويوم بيوم نعليها
وبُكره لمّا الأرضْ تدورْ
والليالي تطرَحْ نورْ
تحكي فرحتنا اْلزْهورْ
والحمامْ يغنّيها
وتلقى البحرْ بلمح الشوفْ
بطية موج يعبيها
ويكتب قصتنا موال
فلسطين يسميها