كلما ظللت دربي بالأماني والوعود
كلما زادت هواجس في خفوقي تشغله
هو رحل عني نساني هقوتك ممكن يعود
ولا غرته الغواني هاجسٍ ما استحمله
كثرة الآهات فيني اتلفت كل الحدود
بين ثاراتٍ وجرحٍ ذابحنّي مَحمله
ينبش الي مات فيني بعدما فك القيود
عن ضياع النفس غُربه كل شيٍ يجهله
كم سألته ما عطاني حرف عن روحي يذود
معضلات الحلم فيني والحكي والأسئله
يا عذابي الي هويته ما قوى قلبي الصمود
بعد ما حبل الموده كم يفله ويفتله
تاهت الافكار عنوه.. في وجود اللا وجود
كيف يوجد شي ميت!! مستحيلٍ.. مُعضله
والحقايق لو غشاها ليل ذباحٍ يسود
كل ركن في حشاها يستحله.. يقتله
ما خفى فيني حقيقة حزن.. يقتات الخلود
ذابله الآمال فيني.. لا سمومٍ تذبله
ماخذٍ مني مساحة.. سابها صفحة جمود
معتليها الشوك قمه والبقيه تكمله
من تلول القفر الي شابها التبريح زود
عثر الأيام فيها لا تجي له.. مقبله
يا كثر ما مر عندي شك والحيره تجود
مارقه عندي طيوفٍ ما امنعتها بسمله
طيفه الي ما تركني ما اكتفى نثر الصدود
الا يقصف لي كياني من علوّه لأسفله
ثار فيّ وما تِفكر وين تفكيره يقود
مثل فكره ما يرده.. غير قمع وبهذله
حاضره كلي لكبره.. لأطعنه كلي برود
ما يهمنّي تِكدر.. ولا يِهمنّي ازعله
أهلك الاحساس فيني ناكرٍ كله جحود
يجحد واغفر سواته!! واقعٍ ما اقبله
من يبيع الروح مره.. اجزم ان ما منه فود
اتركه ماضيك عنده.. ثم لمه.. واشعله
وان لفا بعده غرامٍ.. لا يقولبك الشرود
لا لقيت الحب صادق.. استحله واشمله