يَا لَمْسَخَّْرلْلَحْرفْ الْمَسْطوُرْ
يَا خَيْطْ رْفِيعْ مْدَوَّزْ الَنُّورْ
يَا صُورَة لْذَاكْ الْوَلْدْ الْمَبْهُورْ...
بَالْمَدَنِيَّة الزَّايْفَة والزّْوَاقْ الْخَاوِي
حْمَلْنَا الْكَلْمَة...
فْجُوفَكْ وْجُوفِي
وُصَلْنَاهَا لَجْيَالْ وْجْيَالْ
كْمِيتْ بْحَالَكْ لَعْطَشْ
وْرَيُقَتْ بْخُوفِي
وْسلَكْتْ مْعَاكْ دْرُوبْ الظُلاَمْ وَزْقَاقْ الْمُحَالْ
عْطِينَا لَلُّدْنَيا بْلَقْفَا
حِيثْ طْبَعَْنا عْفوفِي
حِيثْ أَنَا وْأنْتَ عَارْفِينْ قِيمَةْ الّْرَجالْ
كُلْشِي بِينَاتْنا مْقََادْ مْسَاوِي
عَمَّرْكُومْ شَفْتُو الصّْبَاحْ فَْصَباحُو
وَالنّْدَى يْبُوسْ فُمّْ الَْوْرْد الْبَاسَمْ
عَمَّرْكُومْ عَا نَقْتُو النّْهَارْ فَْروَاحُو
وَالِّليلْ جَا لَسْ عْلَى قََلْبُو صَحّْ مَنْ ظَالَمّ
وْصَِبي تْكَلَّمْ بَلْسَانْ صْيَاحُو
وْبُوهْ فْكْلاَ تِي مَنْ دَمّْ عَايَمْ
وَالْكَلْمَة خَيْفَانَة حَدّْ الجّْنَا وِي
فْالسّْكَاتْ السّْكاكَنْ غْوَا تْ
وْالصَّمْتْ وِيلْ وَعِْويلْ
مْنْ وْرَا لَبْحَرْ الْعَايْشِينْ امْوَا تْ
وْمَلْبْحَرْ لَهْنَا قَابِيلْ وْهَابِيلْ
ويَبْقَى الْقَانُونْ لّلْخْصَامْ وَلَدّْعَاوِي