كول وشرب وتمتع وعيش
ماتعرف باقي لك فالدنيا قداش
عمل وبقي وعنداك الفيش
يعني لفشر والفشار فياش
لاتبخل على راسك بقشيش
مكروه عند الناس داك المقشاش
لا تسرف حتى يسترك الريش
وتبقى بلا فلس ماتسواش
لبس لعواط بين لحرير ولخيش
لا تتعلق من شفار لرماش
لا تعاين ربحة تجي او ما تجيش
تعيش يد خاوية ويد ما فيهاش
الدنيا ملي تبغي تجي بخيط هشيش
وايلا تمشي السلاسل م تقبطهاش
شحال من واحد فلحظة طيش
خلى وراه لي ما يرحمو علاش
لا تكتر نكير ومالي لا تنعيش
لا تنوح على ما صار للرباش
شمن عيشة عيشة بياعين لحشيش
على شعرة لا هو مات ولا عاش
الدومالي عايش وحتى داك الدرويش
هدا بكثير المال وهدا بمعاش
الجوع يحرق ملي الخبز ما يكفيش
والتخمة تحنق وكالين لكباش
كول واشرب وتمتع وعيش
اللهم عماش الرزق ولا بلاش