يسيل شوقي لا انتصف ليلي وطال
صبري وجا للروح صحوة وسكرة
أرتب احساسي مواويل وآمال
وفوق الورق تنبت من البال فكرة
ميّلت قلبي للمحبين ما مال
يطير لكنه يعوّد لوكره
واللي غلاها داخل القلب ما زال
من حبها.. ما عاد لي قدره أكره
ف غيابها ما عاد به شي ينقال
والخوف من بكره ومن بعد بكره
إلى التقينا.. وعندي وعندها عيال
والشوق فينا ما قدرنا نحكره
وصافحتها وانا عيوني فالاطفال
أطفالنا!! واهدى لها القلب شكره
وقبل نتوادع دمعي ودمعها سال
وضميتها ما بين صحوة وسكرة