من أول من فتح باب العتب للوم
من اللي في وجوده بهذل اشباحه
من اللي حط نيشانه شقا وهموم
ولجل يثبت حضوره مهّد الساحة
ليا سلهم جفا جفن الصويب النوم
وليا منّه خزر يعطبك بسلاحه
وهو يدري عن اللي في بحره يعوم
ويدري كيف حب الصب ذباحه
وعلى شان المجامل كل غرّة يوم
تقهوى تاج عز وتلبس وشاحه
أكيد تقول لي خل العتاب يدوم
ما دام إنك معك قفلة ومفتاحة
وأكيد إن الفرح ساعة وفيها علوم
لو إن المنتظر ما دوّر الراحة
قديمة قصتك والجرح للمكلوم
خرز ويعطّره في سلك مسباحه
فضا فيه الرضاء والسعر عال السوم
ما هي باقة ورود وهمس فواحة
وتبي علمي ليا فاضت علوم القوم
ودوّرت الأمل لو يأسك اجتاحه
سلام الله على اللي لا كسر بالحوم
تغطرس في جناحه ريشة إجناحه