كتبت عامي عشان تفهمني
عشان الفصحى مش سكتك
كتبت إحساسي الرقيق
ويا ريتني أفوز بمحبتك
نفسي أشتكي لك نفسي أبكي
ما بين إيديك وفي ضمتك
حاجات كتير أنا عايز أقولها
لكن بخاف من نظرتك
كل المواد مبحبهاش لكن
بحضر وأذاكر مادتك
من حبي فيك مش حب فيها
وأنا إزاي أفوت محاضرتك
أستاذ وأب تلامذتك
بيحبوا فيك حنيتك
شرحك مفيد علمك فريد
بحبك بموت في حضرتك
علمتني ووقفت جنبي
وأنا عمري ما أنسى وقفتك
أخلاق أدب علم وشياكة
يا سيدي إنت برنس جامعتك
وشك بشوش غير كل الوشوش
سحرتني والله ضحتك
صحيح هتمشي وتسيب ولادك
خدنا معاك في سكتك
دكتور وتتمنى أي جامعة
حد زيك في علمك وفي خبرتك
أحسن رسالة دكتوراة في 2005
دكتور وسابقاك سمعتك
دكتور علي يا رب خليك لينا
ويبارك لك في ابنك وفي زوجتك