أقرا قصايد بالغزل .. كني اقراك
كن العرب بأشعارهم يوصفونك
في وصفهم اشتاق شوفة محياك
وتكسرني الحاجه لنظرة عيونك
أغار ! لو مالك ذكر ... وآتهجاك
بأبياتهم لو كان .. ما يقصدونك
واغار من ناس ٍ حسوده تمناك
تبعد عن عيوني لاجل يوصلونك
مايعرفون إني متمسك برجواك
اضيع من غيرك اذا بياخذونك
أخاف أنسى الذكر لاصرت وياك
والنفس تبلا عيوني ويحسدونك
جرب واخذ قلبي عطا وآتحداك
تصبر على دنياك ساعه بدونك