الليل مُلهم للشعر والسهارى
اللي يحس بحزن ليته يعديه!
والعمر مره يا قلوب الحيارى
اللي فقد له شخص يرجع يناديه
واللي يخاف أنّه يطيح انحدارى
لا يتبع ظنونٍ تهدّ وتردّيه
خليت كل ظنون قلبي يسارى
معآد تاخذْه الظنون وتوديّه
وش سالفة هلّ الدموع بغزارى؟
اللي يبكي العين يا عين هدّيه
ما عاش رجالٍ يبكي العذارى
على دروب المرجلة تقصر ايديه
أما دموعي ما تجي له خسارى
بكيت من طيبه ولا ادري وش اهديه
فعلاً أحس أحساسكم يالحيارى
يا رب قلبي ضاع، يا رب تهديه
تقولها موضي البرازي مِرارا
وأعيدها للي شقا الوقت حاديه
اللي يتيه الليل يرجي النهارا
واللي يتيه القايله من يقديّه؟