أحلى الصوّر دايم تجي عفويّه .،
حتى تعابيرك تجي مختلفه .!
صوره وفيها أحساس ب الحنيه .،
كأنها ضمّة أحد ماعرفه .!
مطر مفاجئ حزة العصريّه .،
وبنت ٍ تغطّي الورد فوق الشرفه .!
جماد هالصوره ولكن حيّه .،
أشياء واجد عايشه بالصدفه .!
مثلي قبل لا أركض ورا الحريّه .،
ويصدّني ماضي يديني خلفه .!
مسجون / والتهمه بياض النيّه .،
وجريمتي / وياي شلت الكلفه .!
ما خفت بالروحه وأخاف الجيّه .،
أعمارنا مثل السعاده / سلفه .!
ما عدت أضمن شيء لو ب يديّه .،
الناس ما تضمن صلاح الخلفه .!
هذا الزمن مشاكله يوميّه .،
بصيرنا أعمى يقوده ظرفه .!
أصلاحنا نتايجه عكسيّه .،
ما نخترع غير الشتم و الطرفه .!
وش فايدة ثوراتنا السلميه؟
اللي غصب أنفي أبغصب أنفه .!
المسألة ردة فعل عرقيّه .،
كم جدّ لك دف المعارك كتفه؟
حنا مانرضى الذل والدونيّه .،
صغيرنا وزن الكرامه / حتفه .!
جدي محلفني على الغاريه
وانا ولد جدي .، وماسك حلفه .،!
أما حياةٍ بالفخر مطليّه
ولا مماتٍ يبهرك في وصفه .،!
انا ما احب العيشة العادية
واحب أسجل في زماني وقفه .،!
ما بيني وبين الفكر / نديّه .،
وعجزت ألاقي في خلافي صرفه .!
أشيل هم العالم التحتيّه .،
والحزن للي فوق يلمع حرفه .!
أنا ضمير الفتره الحاليّه .،
وأنا بشر صنف الفقارى صنفه .!
صغير حلمي ضحكه وعيديه .،
وكبير ما أحلم بالليال الصلفه .!
تضحك علي أحزاني الجديّه .،
وأبكي على عمري وذكرى ترفه .!
الله يجيب حقوقي الشرعيّه
اللي أنزلت من القصور ل غرفه
30 تشرين الأول 2012
الفحيحيل – الكويت