أنا على خبرك
وجهي شحوبه من مواعيد جوعي
لمصافحك يفتح لقلبي شبابيك
يا نجم لامع في ليالي فزوعي
بين الجدي وسهيل.. تاهت حراويك
كنت اجمعك صيفٍ ضحك لي بطوعي
واثر الشتا برده شكوكه تناديك
ورغم النعاس اللي على راس كوعي
وهجر المنام وصوت حلمٍ يناجيك
لا زال لك في كل سجة.. طلوعي
صمتٍ يعطر ذكرياتك بماضيك
هذي شوارع خاطري.. في ضلوعي
ماتت بها الخطوه.. قبل تبتدي فيك
سيف الرضا صادق لو أثر بروعي
وإن كان ما صدقتني شوف أياديك؟
لكن على طاري فراقٍ يلوعي
واغضاية اللي ما نسى نبض حاليك
خلاصة القصة.. ومبدا رجوعي
"أنا على خبرك".. ليا غبت.. احاتيك