حل النهار وتالي الليل ما زال
الليل عيّا ينتحي عن محله
غطى على ظهر اليوم علم جلال
وساد الظلام بساعة بان جله
كن الوطن صابه من العلم زلزال
راح العطوف الي تذروا بظله
مرحوم ياللي للثقيلات شيّال
في ماقفٍ ما كل متن يشله
الناس تذكر سيرتك يا ابن الابطال
تبدي الثنا والشكر وانتم اهل له
ولا يذكر الرجل محمود الافعال
الي طوابير الرجال شهدت له
اليوم صار بخافي الصدر ولوال
والعين باحت بالخفى وكشفت له
عباير لو هي على وادي سال
دموعها مثل السحايب تهله
دمعي على فرقاه كالمزن همّال
والروح لو هي بالهوى جت فدا له
يالله يا منزل تبارك والأنفال
نطلبك تسمح غلطته وتغفر له
وتجعل جنان الخلد للوالد منزال
آمين ياللي بيدك الأمر كله