الله يبيحك كثر طيبة نواياك
وكثر الغلا بقلوبنا لك يحلك
ويعطيك من عفوه كثر ما فقدناك
وكثر النجوم وكثر دمعٍ نزل لك
ويجعل جنان الخلد دارك ومثواك
وفي ظل عرشه يوم حشره يظلك
ومن لذة الكوثر شرابك وسقياك
ويسقى تراب ٍ بالوطا منزل لك
يا شيخ ياللي تكوي القلب فرقاك
من طيب راسك يا ابوي طبت كلك
ومن نادر أفعالك ونادر سواياك
ما فيه شخصٍ بالعرب مبغض لك
ولا خاب راعي حاجة ٍلا تنصاك
زرع الجمايل يا ابوي عادة ٍلك
وترفا الخمال وتدهل الطيب يمناك
وعز الله ان القاصرة ما تدلك
أنت الوفا والعز والخير مبداك
ولا تنقل علوم الردى في محلك
ياخو هيا من يوم غيبة محياك
يرثاك مجلاسك ويبكي محلك
ويرثاك فقد وجيه ربعك لملقاك
ومجالسٍ في حضرتك ما تملك
اي والله الا أرثاك وشلون ما ارثاك
غابت علي الشمس بغياب ظلك