ارضاك ناقص بس ما ارضاك كذاب
تطعن بظهري بس تضحك قبالي
واقولها لك كان وازوك الاجناب
انا عمامي من سلالة خوالي
واصحابي الي بين عيني والاهداب
اشرب معاهم مرّ واقول حالي
ما اقول لك فيهم تشبّه وتنهاب
ولا بقصدي بالكلام التعالي
لكن شوف اشباه مثلك من اصحاب
ولا تنافق لأجل حالك وحالي
الرزق بيد الله والاعمار بكتاب
والشان شان الاوّلي والتوالي
ما فيه داعي ترتبك لا وترتاب
وابي اختصرها لا تسوّي مثالي
اما تجي حرٍّ على راس مرقاب
والا بليّا شوف وجهك قبالي