اكفخ بجنح عزك يا بعيد المنال
منت والله حبارة انت شبرك طويل
عزبتك رجم غربة..والهداد النضال
صوب غيم الهقاوي والمعزة تخيل
عيش عمرك تعاني بس يبقى زلال
بحر شوفك بعينك والقناعة دليل
واذكر انك كفخت بيوم قالوا تعال
عن دروب المذلة وانت منت بذليل
ما قصر شبح شوفك قبل وقت النزال
تارك الظلم واهله لأن طبعك اصيل
حاربوك القرايب وانت منت بخيال
واقعك زاد عزمك دون فكر العليل
بك تجرد حسام الطيب يا ابن الرجال
وخيل بعد الهقاوي له بصدرك صهيل
قالوا شفيك وارجع وانت قبل السؤال
بتعن للحكي من ظالمٍ ما تميل
عشت عمرك تردد دام جالي مجال
والله اني لا أجمّل لين وقت الرحيل
ولو تموت الحميا مع موت الرجال
ما تعيش الهقاوي في ضلوع الهزيل