عاهدني يا ولدي والعهد غالي
وخليك صافي والنية سليمه
دا العمر عدى ما فيه فسحه
وما حد نال من القعدة وليمه
الحق معلوم لينا ما حد ينفيه
والباطل منكور وأخرته هزيمه
أهل المروءة قالوا لنا زمان
ما تسب أخوك وما ترد شتيمة
العدل يا ولدي ما يجيبه ظالم
والظالم كئيب ونهايته وخيمه
إياك تكون فاكر الغني بفلوس
دا الغنى عزة النفس الكريمة
والعز يا ولدي مهواش جلباب
ولا عمه تلف راسك غليضه
العاقل يا ولدي براسه ميزان
يميز بيه الكبيرة والصغيرة
والعاقل ميزانه فراسه حساس
والكلمة تطلع منه دوما حكيمه
خلي عنيك فوق راسك وشوف
وعيش فطن تحيا في سكينه
ياما ناس تقولك أنا فهماك
وهي كيف التور زي البهيمة
يزاحمك بالكلام بين الناس
كأنك خصمك أو كنت غريمه
ناس باتت بتضحك على ناس
وفي القفي يعد ليك الجريمة
أحذر يا ولدي متعيش محتاس
ما تقعد في جلسه فيها نميمة
ما تتغر فواحد كتر من الحلفان
د دا باطل والحلف عنده وسيلة
تدخل الجامع تلاقيه قاعد مندار
شيخ في المنبر بيقرى عزيمه
ترمي عليه السلام يتمتم كلمتين
ما بده يشوفك ويخفي الحقيقة
خلق كتير فينا ما يخشى اللوم
عاهدني يا ولدي ما تبقى بهيمة