لما العشرة

لما العشرة

تهون يا خساره

لما الدم يهون يا خساره

ولما الكلمة تكون بخساره

إياك تزعل وتغير دمك

خليها درس او حتى أشاره

ولا تسجن نفسك بين حطين

حيطة تسطك وحيطه تردك

ولا فيه حد يقولك فين

ليه معاند وراكب حمارك

لما تصا حب حد اسنانك

وانصب ضهرك وشد لجامك

قبل الصحبه شوف الصاحب

واللي يصاحبك ما يكون عايق

توبه طويل ويجر خزاه

والمعقول الناس عرفاه

يا سعادة البيه؟

عمر الصحبه ما كانت حظوة

وتمشي معانا علشان غدوه

ولا حاجه تعوزها تعمل نشره

ولا هي رحايه تدش طحين

بس الناس فاكرينك صاحبي

من أيام ما كنت صغير

أجري معاك وأسند ضهرك

وانت ياروحي من بيت تعابين

بدي في يوم تعود لأصلك

تقطع عرقك وتشوف دمك

فاكر كل الناس على شكلك

هاوي خيانه وليك مصلحتك

وماشي تدن كالدبابير

ياللي ياروحي قوم وروح

فتش حالك وشوفلك مطرح

ناملك ساعة ولا اتنين

واعدل نومتك وبلاش بطنك

جايز تصحي من الكوابيس

وقبل ماتطلع شوف اهدومك

وخطي براحتك وحاسب البير

ياما كتير كان غيرك أشطر

وفكر ان الصحبه جميل

لا وحياتك

عمر الصحبه ما تبقى طحين

واتحط في ضهري ميت سكين

ويضحك سني كالتعابين

وتنسى العشره وترمي يمين

يا ما كتير جوه الطين

تبقى اخويا وصاحبي

لما اشوفك عاقل وفاهم

وصاين العشره بلا سكين