ياشين ليلٍ مع همومي سهرته
كن السهر متحالفٍ مع ظلامه
هزتني أشواق الغرام وذكرته
واختلطت الدمعه مع الابتسامة
شيدت له بالقلب قصر وعمرته
حتى غدر قلبي وحلل حرامه
واخطا علي بدون عذر وعذرته
وكم مرةٍ تجرح ضميري اسهامه
وليا حكا فيه المنافق نهرته
وحطيت لي في وسط وجهه علامه
وقفا وانا اللي في غيابه سترته
اقفا بلا توديع وانهاء غرامه
تبغى الكلام اللي بقلبي حصرته
وكلن حسب عقله يصدر كلامه
اللي يبي فرقاي رحت وهجرته
لو كان من هجره تجيني ندامه
واليوم لامني سهرت وذكرته
مافيه لادمع ولافيه ابتسامه