انتهت قصّة غرامي وانتهى اللي قد بديته
وانقضى عمر المحبّه وماتت بكونه الأماني
يا زماني وش بإيديّه هذا خلّي وارتجيته
يبقى قربي يصون حبّي ولا يحبّ إنسان ثاني
بس خلّي باع حبّي يومه هدّم ما بنيته
باع قلبي يوم همّي عقب ما أدبر عنّي جاني
ضاع فرحي يوم فرحي بغير حبّك ما لقيته
ومات قلبي يومه أصبح الضحيّه في زماني
راح ضحكي راح فرحي وكل حلوٍ أحتريته
وجيت أدوّر عنه واثره جيش حزني إحتراني
يالثواني وش له تمشي ناظري بأركان بيته
خاويه وبعدك تدقّي وبعد تمشي يالثواني
اوقفي يا أيام عمري وكل يومٍ مر ليته
بس يرجع لأجل أقطع كل شيٍ به وطاني
انزفي يا هالقصايد وانثري همٍّ سليته
عقب خلّي أنثري همٍّ سليته يالأغاني
كل شيٍّ الا هجره في زماني ما قويته
وعقب هجره ماني قاوي أتنفّس في مكاني