يالغالي وينك، ليه تبعد إيدينك
وأنا أقرّب وأنت تنبض لي: حرمان
يعني ماتدري إني فالدمع عينك
وإنه خفوقك يطفي إشعال نيران
وينك؟ وكل دربي يناديك وينك
ياللى حنانك يوصل لْحد الإحسان
تذكر حبيبي؟ يوم أرسم ب طينك
لوحة شقاوة حب طفرات الاحضان
تنسى خليلك؟ تنسى رفعة جبينك
اللى روى قلبك بعد ماهو ضميان
هذا جزاته تبّعِده عن.. حنينك
تخليه وحده ف ظلمة الكون.. تعبان
يعني: فديتك، غرّك اليوم زينك..؟
ويلاه من امسٍ ب رجفات بردان
تدري بعادك طعن ذكرى سنينك
وكل مابقيت أذكرك،، ينغزني وجدان
طيشك لعب بك، والهوى شين شينك!
يا للأسف.. خيّبت ظني ب ربحان
ومن بعدها تنده ياوينه ظنينك
ويرجع صدى صوتك ب نبرات: ندمان
روحي..؟ أذكريني لما خنجر أنينك
يصيب قلبك يجعل الروح ب أحزان
لكن خفوقي يبقى صاين ثمينك
مادام عهده ف الوفا يرسم: ضْمان
وتبقى الحكايه، سرٍ بيني وبينك
مهما يجيني هم، يا أعز إنسان
بس لا إتحسف يوم تبعد إيدينك
كنك محمد.. يوم تهجره إيمان