الليل جن وكحل عيون الأحباب
والصبح زار وغسل الوجه بالنور
والسحر الأبيض واقفٍ بين الأهداب
يحمي العيون اللي بها الزين مستور
يا بعد عمري ذا الحسن فيك جذّاب
محد رأك إلا غدا فيك مبهور
إن قلت: رائع أصبح الوصف كذّاب
وإن قلت: مقدر أوصفك كنت معذور
آمنت بالله من يقول أصلك تراب
لولاي أعرّفك قلت إنك من الحور
فيك الطبيعة سجلت أعظم إعجاب
يوم ارتضت تاخذ من جبينك النور
يا نور عيني خلنا دايم أقراب
نغرس على شط العمر ورد وزهور
نجني من حقول الفرح كل ما طاب
ونطرز الدنيا بأحاسيس وشعور
الليل جن وكحل عيون الأحباب
والصبح زار وغسّل الوجه بالنور