في عيني كل الناس في هالدنيا كبار
وماحدن من الخلق اشوف انه صغير
باستثناء اللي لدرب الكبر اختار
هذا اشوفه عايشً وضعً خطير
الي من غروره فوق السحاب طار
تراك طحت من العيون بلا تقدير
ان كانه بالمال او بالجاه اغتار
ترى قدرك ماتحدده الدنانير
تدري وش الي يرفع شانك بالديار
حسن خلقك يجعلك تصير امير
الطيب يجعل حياتك كلها انوار
وتصير عايش دنياك بالتياسير
ماعاد لك بعد اليوم اية اعذار
عيش التواضع وبتشوف كل خير
تدري وش يسبب لنا الدمار
ردى الفعايل اللي مالها تغيير
و تدري وش الي يخليني احتار
من لا يُحترم فقط لانه فقير
لو كان الفقر بيدين الناس قرار
كان الكل غني مايبيلها تفكير
لكن هي قسمة وزعها الغفار
ابتلا بها من ماله كثير
سقى الله من على درب الكرم سار
وكل من احتاجه صار له مجير