تمر بي ايام العمر وياخذني الحنين
الى ليالي مضت لكن ناسها يبقون
تاسرني الذكرى وتطول بي السنين
انا بعد فرقاه كوكب خلا فيه الكون
يادمعة مسكوبة على الخد الحزين
اقطري اسى ادري خابت الظنون
مايليق عليك الحزن ياكل هالزين
كل شي يهون الا زعلك انت مايهون
يا غلا تجاوز غلاه كل الغاليين
يا رسمة فاقت جمال كل الفنون
يا وردة قطفتها بين ورود البساتين
وكل من لمحها صار بحسنها مفتون
شفتك سراب وقلت شوفوه لي وين
ولاحولي غير اغراب يروحون ويجون
اسرتني و صرت في اعماقك سجين
والغريب اني اشوفك في كل العيون
ما يهم الي يبون الاهم الي تبين
انا صدق المشاعر وينهم الي يوفون
وانا امال تحقيق كل الي تتمنين
انا طيب النوايا ولك القلب الحنون
لاجلك احارب جيوش من الغازيين
انا مجنونك كان ليلى لها مجنون