ابسألك ليت اعرف منك الاسباب
وليت في جوابك لشعوري تراعي
قل لي بربك ليه طولت الغياب
ليه ماقدرت في بعدك اوضاعي
من بعد فرقاك حتى الشعر شاب
مال فعولك يا صاحبي داعي
من بعد ماغبت اغلقت الكتاب
الي كتبته لك وفيك بإقتناعي
أنا بك المهتم وانت لي العذاب
بعد هجرك غيرت كل اطباعي
و اذا تبي الصدق ظني بك خاب
و نظرتي لك غيرتها وانطباعي
شفتك بصدفة ولمحت الاهداب
يا للي عيونك هي اسباب ضياعي
من بعد شوفتك القلب فيك ذاب
صرت دنياي و ماعادني اجتماعي
مالك شبيهن يا بعد كل الاحباب
ليتك قبل ترحل بادرت بوداعي
بعدك كل الناس صارو لي اغراب
وزادت من بعدك ترى كل اوجاعي
قلبي رغم هجرك قفل كل الابواب
ماحدن بعدك والله يناسب طباعي