ليخ الهوى في الغرب منصوب

ليخ الهَوَى فِيْ الغَرْب منصوب

يَا بِنْ سَنْد مِتْشَرْبكٍ فيه

لي فِيْ فريجك طِبْ وِطْبوبْ

والقَلْب مَا رِمْتَه أعَزّيه

حِسَبْت نَيْمَه وَقْت لِغْروب

فِيْ مختصر وِعْرِفْت قاصيه

سَيَّرْت لِهْ باحْوال ودروب

وِخْلاف ضَكَّيته أناجيه

وعَنْ صَاحبي هُبْ لازم أتوب

مَا دَامْ يبغيني أنَا أبْغيه

رُوحي ملاجِفْ ذيب مَرْكُوْب

عَنّي دِخَل فِيْ بيت اهاليه

اتْسَمّعوا هَالإِسم مجلوب

بَارِزْ لَكِنْ دَسّيت تاليه