ياهاجسي هات البياضه والقلم
عبر عن الواقع واحلام السنين
ورسم جروح الشاب ذي ينزف الم
في غربته يجر الاوجاع والانين
سمير ذي يثني المراجل والشيم
عند المواقف والشدايد مايلين
ياصاحبي والوقت نابه قد سجم
انت السند ونت بعد الله المعين
جمال ياذي في الشدايد يحتزم
عزي ودرعي وسيفي والكنين
ابن الوجيه يلذع في صدره حمم
حنيت له من جوف اعماقي حنين
حنين من فارق دياره في ندم
جار الزمن وخاطري ضايق حزين
اشكي اليك الضيق ياوالي النعم
زين ظروف الوقت ذي عيت تزين
مظلوم يادنيا ونا حظي انظلم
راح العمر ونافي الغربه سجين
وهمومي واحزاني هدتني هدم
تايه وسط الناس ماني مستبين
اشكي هموم الوقت وايامي عدم
ضاع الامل وانا وفكري ضايعين
وختم قصيدي بالنبي سيد الامم
صلو عليه مالاح برقه كل حين