طال صمتي وانا ادوَرك في غيابي
طال ليلي ولبستني عناويني
يا بعد من لبس دنياي واهدابي
يابعد من شرب روحي وتكويني
انت يا سيَد الغالين واحبابي
انت ياصورةٍ ما فارقت عيني
حبك اللي لبسني لبسة ثيابي
شارك الدم في داخل شراييني
في حضورك نشد همسي وغنابي
وازهر الوجد في واحة بساتيني
لين ردد على صوتي وهلابي
واشرقت مع حضورك عتمة سنيني
حرفك العذب صغته باول كتابي
لو قتلني غيابك فيه تحييني
يابعد روح روحي واصدق احبابي
يابعد روح من حبتك ترويني
في وصالك وبطَل تطري غيابي
في حضورك روت روحي روت عيني